භාරතට කුඩු චෝදනා නැගී යයි හිරුණිකාගෙන් ඇමති චම්පිකට දොස් මුරයක්
තම පියා වන භාරත ලක්‍ෂමන් පේ‍්‍රමචන්ද්‍රගේ මරණින් පසු රටේ මත්කුඩු, මත්ද්‍රව්‍ය වෙළඳාම අකර්මණ්‍ය වූයේ යයි ඇමති පාඨලී චම්පික රණවක විසින් කරන ලද ප‍්‍රකාශයකට බස්නාහිර පළාත් සභා මන්ත‍්‍රීනී හිරුණිකා පේ‍්‍රමචන්ද්‍ර විරෝධය පල කරයි.
ඇය පවසන්නේ ඇමතිවරයා විසින් ප්රකාශ කල යුතුය තිබුණේ දුමින්ද සිල්වාගේ හදීසි රට යෑම රට යෑමෙන් පසු රටේ මත් කුඩු අකර්මණ්‍ය වූ බවයි.
කොළඹදී මාධ්‍ය අමතමින් ඇය මෙසේද කීවාය.
‘පාඨලී චම්පික රණවක අමාත්‍යතුමා පසුගියදා මාධ්‍ය සාකච්ඡාවකදී මේ කුඩු සම්බන්ධයෙන් කරලා තියෙන ප්‍රකාශය ගැන. එකක් ඔහු ඒ කියපු ප්‍රකාශය පැහැදිලි නෑ බලන් ඉන්න සාමාන්‍ය ජනතාවට වැරදි විදියට අර්ථ කථනය වෙන්න පුලුවන්.
මොකද මගේ තාත්තා ගේ නම කියලාම කියලා තියෙනවා මගේ තාත්තාගේ මරණෙන් පස්සේ කුඩු, මත්ද්‍රව්‍ය වෙළඳාම අකර්මණ්‍ය වෙලා කියලා. එහෙම නෙමෙයි ඒක කියන්න ඕනේ ඒ ප්‍රකාශය කියන්න ඕනේ දුමින්ද සිල්වාගේ හදීසි රට යෑම, රට යෑමෙන් පස්සේ දුමින්ද සිල්වා මගේ තාත්තාගේ මරණෙන් පස්සේ දකින්න නොලැබුණයි පස්සේ තමයි මේ කුඩු වෙළඳාම අකර්මණ්‍ය උනේ කියන එක තමයි කියන්න ඕනේ.
ඉතින් මම හරියට කණගාටුවෙනවා එකක් ඔය පාඨලී චම්පික රණවක මහත්තයලා ඔවුන් ශ්‍රී ලංකා නිදහස් පක්ෂයට වෙනත් පක්ෂයක් විදියට එකතු වෙන්න කළින් ඉඳන් තමයි මගේ තාත්තා අතිගරු ජනාධිපතිතුමා එක්ක ශ්‍රී ලංකා නිදහස් පක්ෂේ ගොඩ නගන්න හිටපු සාමාජිකයෙක් මුල ඉඳන් විශේෂයෙන් ඝාතනය වෙච්ච,මිය ගිය පුද්ගලයෙක්ට මේ වගේ ප්‍රකාශයක් කරපු එක මම මෙතෙක් කල් මුළු රටක්ම පාඨලී චම්පික රණවක ඇමතිතුමා සහ ඒ පක්ෂය දිහා ඉතාමක් ලොකු බලාපොරොත්තු තියාගෙන ,මුළු රටම බලා‍ගෙන හිටියා.
හැබැයි මේ ප්‍රකාශෙන් පස්සේ වැදගත්. අර අපි බලන කෝණය වෙනස් උනා කියලා මම විශ්වාස කරනවා ,මොකද ඔවුන් ප්‍රතිපත්තියක් තියාගෙන කටයුතු කරන පුද්ගලයෝ නම් ඔවුන් හරි දේ ,සත්‍ය කතා කරන පුද්ගලයෝ නම් ඔය ප්රකාශ ඔය විදියට නෙමෙයි කියන්න ඕනේ’
No comments:
Post a Comment