Translate

Translate

Showing posts with label බෝල්ට්‌ ඇණවල දමා කුඩු කිලෝ 36 ක්‌ ගෙනා පාකිස්‌තානු කුඩු රජා දැලේ. Show all posts
Showing posts with label බෝල්ට්‌ ඇණවල දමා කුඩු කිලෝ 36 ක්‌ ගෙනා පාකිස්‌තානු කුඩු රජා දැලේ. Show all posts

Wednesday, March 19, 2014

බෝල්ට්‌ ඇණවල දමා කුඩු කිලෝ 36 ක්‌ ගෙනා
පාකිස්‌තානු කුඩු රජා දැලේ


හේමන්ත රන්දුණු

හෙරොයින් කුඩු කිලෝ 36 ක්‌ බෝල්ට්‌ ඇණ ඇතුළත දමා මෙරටට ගෙනා මහා පරිමාණයේ කුඩු ජාවාරම්කරුවකු වන පාකිස්‌තානු ජාතිකයා පෙරේදා (18 වැනිදා) නුවර ප්‍රදේශයේ නිවසක සැඟවී සිටියදී අත්අඩංගුවට ගෙන තිබේ.පාකිස්‌ථානයේ සිට මෙම ජාවාරම්කරු ගෙන එනු ලබන කුඩු මෙරට බෙදාහරිනු ලබන ප්‍රධාන නියෝජිතයන් දෙදෙනකුද අත්අඩංගුවට ගෙන ඔවුන්ගෙන් කළ ප්‍රශ්න කිරීම්වලදී පාකිස්‌ථානු ජාතිකයා සැඟවී සිටි ස්‌ථානය සොයා ගත් බව වැටලීම සිදුකළ පොලිස්‌ මත්ද්‍රව්‍ය නාශක අංශය පවසයි.

මෙම පකිස්‌ථානු කුඩු ජාවාරම්කරු මීට පෙර තුන් වතාවක්‌ මහා පරිමාණයෙන් මෙරටට කුඩු ගෙන්වා ඇති බවද මෙම වැටලීම් සිදුකළ පොලිස්‌ මත්ද්‍රව්‍ය නාශක අංශයේ විශේෂ කණ්‌ඩායම මගින් අනාවරණය කරගෙන තිබේ.

කුඩු රැගෙන එනු ලැබූ කන්ටේනරය පරීක්‍ෂා කර එම කුඩු තොගය රේගු නිලධාරින් විසින් සොයා ගනු ලැබූ දිනයේත් මෙම පාකිස්‌ථානු ජාතිකයා රේගුවට පැමිණ ඇත. ඔහු එසේ පැමිණ ඇත්තේ කුඩු කන්ටේනරය මුදා ගැනීමටය. එහෙත් කුඩු තොගය හසුවූ බව දැනගත් මෙම ජාවාරම්කරු හෙමින් සීරුවේ එතැනින් පලාගොස්‌ ඇති බව පරීක්‍ෂණවලදී අනාවරණය විය.