අමුණුගම ලොකු හපන්කමක.. ඩොලර් මි. 600ක ණයක් අරන්
ආසියානු සංවර්ධන බැංකුවෙන් ශ‍්‍රී ලංකාවේ සංවර්ධන කටයුතු සඳහා ඉතා අඩු පොළී අනුපාතයක් යටතේ ඩොලර් දස ලක්ෂ 600 ක් ලබාදීමට අනුමත වී ඇති බව ජාත්‍යන්තර මූල්‍ය සහයෝගිතා අමාත්‍ය හා මුදල් නියෝජ්‍ය ඇමති ආචාර්ය සරත් අමුණුගම මහතා පවසයි.
මෙම මුදල ආසියානු සංවර්ධන බැංකුව සහන පොළී අනුපාතය යටතේ ලංකාවට දෙන විශාලතම ණය මුදල බව ද අමාත්‍ය අමුණුගම මහතා කියයි.
ජල සම්පාදන ව්‍යාපෘති, මාර්ග සංවර්ධනය හා වෙනත් විශේෂ යටිතල පහසුකම් සඳහා ශ‍්‍රී ලංකාවට දෙන මෙම ණය මුදල යෙදවිය හැකි බව ද ඇමතිවරයා සඳහන් කරයි.
ඉකුත් වසරේ ආසියානු සංවර්ධන බැංකුව දුන් ණය මුදල් සියයට සියයක්ම උපරිම ලෙස භාවිත කළ බවට ඔප්පු වී ඇති නිසා මෙම ණය මුදල අනුමත කර ඇති බව බැංකුවේ නියෝජිතයා තමාට පැවසූ බව ද අමුණුගම මහතා කියයි.
No comments:
Post a Comment