තුෂාරී කළුබෝවිල
දිවයින ආශ්‍රිතව හටගෙන ඇති කැළඹිලි ස්‌වභාවය තවදුරටත් පවතින බැවින් අද (24 වැනිදා) දිනයේ ද දිවයිනේ ප්‍රදේශ කීපයක වැසි, සුළං හා අකුණු ඇති විය හැකි බව කාලගුණ විද්‍යා අධ්‍යක්‍ෂ එස්‌. ආර්. ජයසේකර මහතා දිවයින ට පැවැසීය.විශේෂයෙන් ම ත්‍රිකුණාමලය සිට පොතුවිල් හරහා හම්බන්තොට දක්‌වා වන වෙරළබඩ ප්‍රදේශවල උදය කාලයේදීත්, දිවයිනේ සෙසු ප්‍රදේශවල දවසේ ඕනෑම වේලාවකදීත් වැසි, සුළං හා අකුණු අනතුරු ඇතිවිය හැකි බව ඒ මහතා කීවේය.
දිවයින වටා මුහුදු ප්‍රදේශවල ද තැනින් තැන ගිගුරුම් සහිත වැසි හා ඇතැම් ස්‌ථානවල තරමක තද සුළං ද ඇති විය හැකි යෑයි හෙතෙම පැවැසීය.
තද සුළං හා අකුණු මගින් සිදුවිය හැකි ආපදා අවම කර ගැනීමට අවශ්‍ය පියවර ගන්නා ලෙස ද ජයසේකර මහතා අනතුරු ඇඟවීය.
No comments:
Post a Comment