ඩෙංගු මඩින අලූත් උපායක්.. බිත්ති ආලේපනයක්
..වේගයෙන් පැතිරී යන ඩෙංගු වසංගතය පාලනය කිරීම සඳහා අවදානම් කලාප ආශ‍්‍රිතව ප‍්‍රදේශවල අඩු ආදායම් ලාභීන් වෙසෙන නිවාස හා වතු නිවාස වල බිත්ති මත ඩෙංගු මදුරු කීට විනාශ කරන රසායනිකයක් ආලේප කිරීමේ නවතම ක‍්‍රම වේදයක් කොළඹ මහ නගර සභාවේ ජන සෞඛ්‍ය දෙපාර්තමේන්තුව විසින් හදුන්වා දී ඇත.
කිරුළපන, මෝදර හා මට්ටක්කුළිය ප‍්‍රදේශවල එම රසායනය අලේප කිරීමේ වැඩ පිළිවෙල මේ වන විට ආරම්භ කර ඇතැයි ද මෙවැනි වැඩ පිළිවෙළක් කොළඹ නගරයේ හදුන්වා දෙන ප‍්‍රථම අවස්ථාව මෙය බව ද එහි ප‍්‍රධාන සෞඛ්‍ය වෛද්‍ය නිළධාරි වෛද්‍ය රුවන් විජයමුණි මහතා පැවසීය.
ලෝක සෞඛ්‍ය සංවිධානය නිර්දේශ කර ඇති LAMBDA CYHALOTHRIN˜ ^ICON& නමින් හදුන්වන මේ රසායනිකය එක් නිවෙසකට ආලේප කිරීම සඳහා රුපියල් 1000 ක් පමණ පිරිවැයක් දැරීමට සිදු වන බව ද විජයමුණි මහතා කීවේය.
මෙම රසායනිකය බිත්ති මත මාස 6 ක පමණ කාලයකට බල පවත්වන බව ද හෙතෙම සඳහන් කළේය.
No comments:
Post a Comment